GUIDES INTERPRÈTS

Mos apassione eth nòste trabalh!

Laia Acero

Laia Acero Casas

Guida de mieja montanha, guida interpretadora deth Parc Naturau, licenciada en sciéncies dera activitat fisica e espòrt, mèstra… mès sustot enamorada dera aventura, deth Pirenèu, deth Palhars, deth viatge e de compartí’c damb era gen

Destinèc ua grana part dera mia vida ara montanha, damb ua motivacion constanta entà conéisher, observar e apréner der entorn.

Vos voi acompanhar pes parçans que tant me shauten e ensenhar-vos bèth un des sòns secrèts, tant pes vals coma naut enes tucs.

guiesemuntanyaenruta@gmail.com
606 15 94 80

Montse Bacardit

Montse Bacardit Peñarroya

Neishuda en Sant Fruitós de Bages. Licenciada en biologia. Eth doctorat sus es estanhs de montanha me portèc a víuer enes Pirenèus er an 2004. Es montanhes, es vals, era aigua, es malhs, era nhèu e era vida sauvatja m’enamorèren, e m’establí ena Val d’Aran, era petita e singulara val atlantica de cultura e lengua occitana. Actuauments, en iuèrn me dediqui ara prediccion deth perilh de lauegi entàs excursionistes e es usatgèrs des carretères dera Val d’Aran. En ostiu, càmbii es esquís peth cauçat de caminar.

Ei un plaser tà jo guidar es visitants entà descorbir eth nòste estimat territòri e conéisher e apréner eth diuèrs e excepcionau legat naturau e culturau. Coma curiositat: maugrat non èster comarca dera val d’Aran mès en Palhars Sobirà, eth circ de Baciver e Estanhs deth Rosari formen er unic parçan deth PNAP plaçat ath vessant atlantic, e se recomane era excursion en tot entrar pera Val d’Aran.

M’acompanhatz?

montsebp@yahoo.es
699 73 90 76

Montse Ballbè

Montse Ballbè Herrero

Viui era natura de dia e de net. Me shaute er arridolet que nòti as persones que m’acompanhen mentre senti que quauquarren càmbie en sòn interior.

Gaudisqui damb raquetes de nhèu en iuèrn, damb eth son dera brama des cèrvis ena tardor, damb es flors canviants en primauèra e es estanhs en ostiu.

Es mies especialitats son era astronomia, eth guidatge de natura e es activitats en familha.

montse@obagaactivitats.cat
619 93 82 67

Noemi Busquets

Noemi Busquets

A compdar deth mèn personatge teatrau e bufonesc dera Esperanceta de casa Gassia, actuau Ecomusèu des Vals d’Àneu, dinamizi espacis d’interès culturau coma eth Despoblat de Santa Crotz de Llagunes, quauquns des camins deth Musèu de Camins dera Val de Siarb, er Ecomusèu des Vals d’Àneu, eth castèth de Valéncia d’Àneu… Ath delà de participar a hèires e mercats deth territòri.

Es mèns estruments de trabalh son er umor, era cultura e era etnografia ath delà de compdar damb un entorn païsatgistic autentic e de prumèra categoria. Transméter eth legat culturau e naturau deth territòri e somar-i rires hè dera experiéncia ath PNAP ua vivéncia unica e irrepetible.

esperanceta.cabaretpages@gmail.com
645 03 63 82

Miquel Angel Canal Servent

Miquel Angel Canal Servent

Nascut entre muntanyes, amant de la natura i les activitats d’aventura. Guia de muntanya i professor d’esquí, amb una llarga experiència tan professional com personal. Sempre a punt per descobrir-te els Pirineus, en totes les seves vessants. Deixa’t guiar d’una forma segura, enriquidora i engrescadora, sempre amb respecte i consciència, pel nostre entorn. Et puc guiar en quatre idiomes.

info@piritrek.com
680 23 94 23

Cesc Capdevila

Cesc Capdevila i Torrell

De petit que dejà m’apassionèc era natura e sustot es audèths. Gràcies ada eri, qu’è volat per miei mon.

Actuauments trabalhi de guida de montanha en tot hèr trauèsses e ac combini damb guidatges entà interpretar era natura e es Pirenèus.

info@ramatdecamins.cat
627 70 62 47

Iara Carreto Tejedo

Iara Carreto Tejedo

Palharesa que s’a criat entornejada des montanhes e era sua natura. M’agradarie qu’es nòsti visitants experimentèssen eth madeish sentiment peth territòri dera madeisha manèra que lo avaloram nosati.

Sò massa coriosa, es mèns principaus interèssi son era fauna, era flòra e era formacion dera gea, entre d’auti.

Era mia formacion: Bona Coneishedora deth PNAP, Tecniciana en guida, informacion e assisténcies toristiques en encastre deth miei, Tecniciana en Gestion Forestau e deth Miei naturau. Principiant certificada en astronomia, e actuauments, opositant per Agent Rurau. Tostemp interessada en obtíer naues coneishences.

carretotejedoiara@gmail.com
608 16 38 23

Ivan Catena

Ivan Catena Rodriguez

Dessenh e execucion d’activitats de diuèrses tematiques entà interpretar eth legat culturau e naturau que consèrven era Vall de Cardós e era Vall Ferrera.

Art Romanic, usatge tradicionau des plantes, os brun, evolucion deth païsatge, istòria, talhèrs de flòra e fauna en generau.

ivan@terravivaactivitats.net
645 56 19 22

Albert Cereza

Albert Cereza Castells

Sò ambientòleg e tostemps amant dera natura e deth Pirenèu. Sò especializat ena divulgacion dera fauna sauvatja des ecosistèmes de montanha. È hèt dera mia passion un estil de vida.

salvatgines@gmail.com
627 75 32 05

Marta Gómez

Marta Gómez Nuño

Sò ambientòloga, educadora ambientau e naturalista. Sò especializada en guidatges d’interpretacion de fauna e païsatge. M’apassionen es parpalhòles e es petiti detalhs.

salvatgines@gmail.com
680 90 32 65

Oriol Grau

Oriol Grau

Sò doctor en biologia e investigador en ecologia terrèstre. Investigui er impacte deth cambiament climatic e eth cambiament globau enes ecosistèmes deth Pirenèu.

Me shaute hèr conéisher eth magnific legat naturau e culturau deth Parc Naturau e des sòns entorns.

Coma guida interpretador pogui hèr guidatges de natura e d’interpretacion deth païsatge entà publics generaus o especializadi (en catalan, castelhan, anglés, francés o aranés) a trauès des enterpreses de guidatges deth Parc.

grau.oriol@gmail.com
667 91 53 54

Elisabeth Martínez i Escala

Elisabeth Martínez i Escala

Entre estudis, viatges e trabalhs diuèrsi, eth mèn esperit nomada a anèc tostemp orientat entàs montanhes e eth compromís qu’auem damb er entorn naturau.

Coma enginhèra agricòla, ambientòloga e tecniciana en responsabilitat sociau, economia circular e sostenibilitat, sagi d’aufrir eth mèn guidatge e vocacion entath compromís damb eth nòste miei e eth sòn legat naturau, culturau e sociau, a trauès der impuls e dinamizacion enes zònes ruraus e de montanha.

Es darrèri 6 ans demorèc entre era val d’Ars e era val de Castellbó en PNAP: 5 ans de garda deth refugi Ras de Conques, en tot hèr bèri guiatges pera val de Sta Magdalena, e un an en punt d’informacion dera caseta deth Parc en Sant Joan de l’Erm.

turismresponsable@gmail.com
699 28 29 32

Miquel Prat

Miquel Prat Sagalés

È era sòrt de víuer enes bòsqui de Sant Joan de l’Erm hè mès de vint ans. Sò bon coneixedor deth sòn païsatge, es sòns parçans e era sua gent; des avetoses, es torrents, es arrius, es clarianes, era fauna e era vegetacion e tanben dera istòria que i a ara darrèra de cada lòc.

M’agrade passejar per aguest territòri pendent er iuèrn heired e nheuat; en ostiu, a viatges shut e calorós; ena primauera exultant e fresca; o pendent es dies de tardor que s’escuercen.

Neishí en Terrassa e deishè a mieges es estudis d’economia entà dedicar-me ar esquí e víuer en Pirenèu.

santjoandelerm@gmail.com
677 48 36 28

Cristina Simó Espinosa

Cristina Simó Espinosa

Te pogui acompanhar tà desvelhar istòries de glèises, païsatges, castèths, bòrdes e camiaus…, damb perspectiva de genre e un contèxt plan ample. Espiaràs pendent ua estona era vida deth Parc.

csimo@ecomuseu.com
644 65 13 57

Francesc Rodríguez

Francesc Rodríguez i Ambel

Era montanha e era natura son es mies dues aficions qu’an vengut eth mèn mestièr. Coma naturalista e educador ambientau m’apassione hèr conéisher eth nòste territòri: era estetica e er estatic, era riquesa e era beutat, e era nòsta grana biodiuersitat.

Es mies especialitats son era interpretacion deth païsatge, es parpalhòles diürnes e es guidatges de montanha.

francesc@obagaactivitats.cat
695 94 25 24

Jordi Torner

Jordi Torner Busqué

Enamorat deth Pallars Sobiran en totes es sues dimensions, umana, istorica, culturau, e naturau, es darrèri ans m’è dedicat a coneisher-lo mès, comprener-lo melhor e transméter es sues particularitats, d’aquerò mès petit ad aquerò mès gran, d’aué e deth passat, enquia trobar ena combinacion de totes es sues dimensions era esséncia dera sua autenticitat e poder hèr rotes guidades adaptades as diferentes estacions der an e entà tota sòrta de publics, deth hons des vals enquias crestes mès nautes, deth pòble mès petit enquiath mès gran, e en tot traspassar termières enquias païsi vesins, Andòrra e França, a trauès deth Parc pirenenc des 3 nacions, pr’amor que toti agen era oportunitat de descorbir un territòri que vau era pena conéisher, saborejar e gaudir.

info@visitsort.com
608 80 62 51